අප්රේල් මස 12 වනදා සිට ඊයේ (16) දක්වා වූ දින හතරක කාලය තුළ පමණක් මෙරට විවිධ ස්ථානවල දියේ ගිලීමෙන් පුද්ගලයින් 20 දෙනෙකු අවාසනාවන්ත ලෙස මියගොස් ඇති බව පොලිස් මාධ්ය ප්රකාශක සහකාර පොලිස් අධිකාරී එෆ්. යූ. වුට්ලර් මහතා පවසයි. පිහිනීමට නොහැකිව ජලයට බැසීම, හුදකලා සහ ඉතාමත් අනාරක්ෂිත ස්ථාන දිය නෑම සඳහා තෝරා ගැනීම මෙන්ම බීමත්ව දිය නෑමට යාම මෙම මරණවලට ප්රධාන හේතු වී ඇති බව ඔහු පෙන්වා දෙයි. ඉදිරියේදී මෙවැනි අනතුරු වළක්වා ගැනීම සඳහා දිය නෑමට පෙර ඒ සඳහා වෙන් කර ඇති ආරක්ෂිත ස්ථාන සහ ජීවිත ආරක්ෂක කණ්ඩායම් සිටින ස්ථාන පමණක් තෝරා ගන්නා ලෙසත්, පනවා ඇති අනතුරු ඇඟවීම් කෙරෙහි දැඩි අවධානය යොමු කරන ලෙසත් පොලීසිය මහජනතාවගෙන් කාරුණිකව ඉල්ලා සිටියි.
