කෘෂිකර්ම, පශු සම්පත්, ඉඩම් හා වාරිමාර්ග අමාත්ය කේ.ඩී. ලාල්කාන්ත මහතාගේ වත්කම් බැරකම් සම්බන්ධයෙන් විමර්ශනයක් සිදුකරන ලෙස ඉල්ලා අල්ලස් හෝ දූෂණ චෝදනා විමර්ශන කොමිෂන් සභාවට අද (17) පැමිණිල්ලක් ඉදිරිපත් වී තිබේ.
වෛද්ය හා සිවිල් අයිතිවාසිකම් පිළිබඳ වෛද්යවරුන්ගේ වෘත්තිය සමිති සන්ධානයේ සභාපති වෛද්ය චමල් සංජීව මහතා විසින් මෙම පැමිණිල්ල සිදුකර ඇත. අමාත්යවරයා විසින් 2024 සහ 2025 වසරවලට අදාළව පසුගිය වසරේ දෙසැම්බර් 26 වැනිදා ඉදිරිපත් කරන ලද වත්කම් බැරකම් ප්රකාශය පදනම් කරගනිමින් මෙම විමර්ශනය ඉල්ලා තිබේ.
අමාත්යවරයාට රුපියල් කෝටි 6.7කට අධික නිශ්චල දේපොළ අයත් බව එම ප්රකාශයේ සඳහන් වේ. කෙසේ වෙතත්, මීට වසර කිහිපයකට පෙර තමාගේ දෛනික වියදම් පවා පියවා ගැනීමට අපහසු බවට අමාත්යවරයා කළ ප්රකාශය සහ වත්මන් වත්කම් අතර පවතින පරස්පරතාව පිළිබඳව විමර්ශනයක් අවශ්ය බව පැමිණිලිකාර පාර්ශවය අවධාරණය කරයි.
