නෝර්වේ රාජ්යයේ විශාලතම මුහුදු ආහාර හා ජලජීවී වගා සමාගම වන ලෙරෝයි (Lerøy Seafood Group) සමාගම, ශ්රී ලංකාවේ මත්ස්ය පිරිසැකසුම් ක්ෂේත්රය සමඟ තාක්ෂණික හා වාණිජමය වශයෙන් එක්වීමට සිය කැමැත්ත පළ කර තිබේ. නෝර්වේ හි බර්ගන් නුවර පැවැත්වෙන ‘One Ocean Week’ ජාත්යන්තර සමුළුවට සහභාගී වන ධීවර, ජලජ හා සාගර සම්පත් අමාත්ය රාමලිංගම් චන්ද්රසේකර් මහතා ප්රමුඛ ශ්රී ලංකා දූත පිරිස සහ ලෙරෝයි සමාගමේ ප්රධාන විධායක නිලධාරී හෙනින් බෙල්ටෙස්ටැඩ් (Henning Beltestad) මහතා අතර පසුගිය 17 වනදා පැවැති සාකච්ඡාවකදී මෙම එකඟතාවය ඇති විය.
දැනටමත් චීනය, ජපානය සහ ඉන්දියාව වැනි ආසියානු වෙළෙඳපොළවල් ආක්රමණය කර ඇති ලෙරෝයි සමාගම, ශ්රී ලංකාවේ පවතින ධීවර සම්පත් සහ අනාගත ආයෝජන විභවතාවයන් පිළිබඳව මෙහිදී දැඩි උනන්දුවක් දක්වා ඇත. ශ්රී ලංකාවේ මත්ස්ය පිරිසැකසුම් කර්මාන්තය ජාත්යන්තර ප්රමිතීන්ට අනුව දියුණු කිරීමට සහ තාක්ෂණික සහයෝගීතාව වර්ධනය කිරීමට සෘජුව මැදිහත් වන බවට එම සමාගම සහතික වී තිබේ. මෙම සාකච්ඡාව සඳහා අමාත්යාංශ ලේකම් ආචාර්ය බී.කේ. කෝලිත කමල් ජිනදාස සහ ධීවර අධ්යක්ෂ ජනරාල් එස්.ජේ. කහවත්ත යන මහත්වරුන් ද සහභාගී වූහ.
