ශ්රී ලංකා සහ බංග්ලාදේශ කාන්තා කණ්ඩායම් අතර පැවැත්වෙන තීරණාත්මක එක්දින ක්රිකට් තරගාවලියේ පළමු තරගය අද (20) බංග්ලාදේශයේ රාජ්ෂාහි (Rajshahi) නුවරදී පැවැත්වේ.
ශ්රී ලංකා කණ්ඩායමේ මෙම බංග්ලාදේශ තරග සංචාරයට එක්දින තරග 3ක් සහ පන්දුවාර 20/20 තරග 3ක් ඇතුළත් වේ. චමරි අතපත්තු ශ්රී ලංකා කණ්ඩායමේ නායකත්වය දරන අතර නිගාර් සුල්තානා බංග්ලාදේශ කණ්ඩායම මෙහෙයවනු ලබයි. දෙපිල අතර අවසන් වරට පැවති එක්දින තරග 5න් තරග 3ක ජයග්රහණය ශ්රී ලංකාව සතු කරගෙන ඇති අතර එක් තරගයක් වර්ෂාව නිසා අතහැර දැමුණු අතර අනෙක් තරගය තීරණයකින් තොරව අවසන් විය.
මෙම තරගය මෙරට වේලාවෙන් අද පෙරවරු 09.00ට ආරම්භ වීමට නියමිතව තිබුණි. චමරි අතපත්තු ඇතුළු ශ්රී ලංකා ක්රීඩිකාවන් මෑතකදී දැක්වූ දක්ෂතා හමුවේ මෙම තරගාවලිය පිළිබඳව ක්රීඩා ලෝලීන් ඉහළ අපේක්ෂාවක් තබා ගෙන සිටිති.
