බෙන්තොට මුහුදු තීරයේ මිතුරන් පිරිසක් සමඟ දිය නාමින් සිටි මොරටුව විශ්වවිද්යාලයේ ඉංජිනේරු පීඨයේ තෙවන වසරේ ඉගෙනුම ලබන සිසුවෙකු දියේ ගිලී මියගොස් ඇති බව බෙන්තොට පොලිසිය වාර්තා කරයි.
මෙසේ මියගොස් ඇත්තේ යාපනය, චුන්නාගම් ප්රදේශයේ පදිංචිව සිටි 25 හැවිරිදි කාදීර් කාම නාදන්මිතුසන් නමැති සිසුවෙකි. ඊයේ (19) පිරිසක් සමඟ මුහුදේ දිය නාමින් සිටියදී ඔහු හදිසියේ පැමිණි දියවැලකට හසුවී ගසාගෙන ගොස් තිබේ. ජීවිත ආරක්ෂක නිලධාරීන් විසින් වහා ක්රියාත්මක වී සිසුවා සොයාගත් නමුත්, ඒ වනවිටත් ඔහු ජීවිතක්ෂයට පත් වී සිටි බව පොලිසිය වැඩිදුරටත් සඳහන් කරයි.
පසුගිය දිනවල පැවති උත්සව සමයත් සමඟ වෙරළාශ්රිතව දිය නෑමට යන පිරිස් වැඩි වී ඇති බැවින්, දියවැල් පවතින අවදානම් සහිත ස්ථාන පිළිබඳව වඩාත් සැලකිලිමත් වන ලෙස බලධාරීන් මහජනතාවගෙන් ඉල්ලා සිටියි.
