ආන්දෝලනාත්මක බාල ගල් අඟුරු ගනුදෙනුව සහ ඒ හරහා සිදුවූ බව කියන මූල්ය වංචාව සම්බන්ධයෙන් ආණ්ඩුවට එරෙහිව ගත යුතු ඉදිරි ක්රියාමාර්ග තීරණය කිරීම සඳහා ඒකාබද්ධ විපක්ෂයේ විශේෂ රැස්වීමක් අද (අප්රේල් 20) සවස කොළඹ පිහිටි හිටපු අමාත්යවරයෙකුගේ නිවසේදී පැවැත්වීමට නියමිතය.
බාල ගල් අඟුරු සිද්ධිය සම්බන්ධයෙන් වත්මන් බලශක්ති අමාත්යවරයා වහාම ධුරයෙන් ඉල්ලා අස්විය යුතු බවට විපක්ෂය කරන බලපෑම තවදුරටත් තීව්ර කිරීමටත්, මේ සඳහා මුළු කැබිනට් මණ්ඩලයම වගකිවයුතු බවට බලපෑම් කිරීමටත් මෙහිදී සාකච්ඡා කෙරේ. බාල ගල් අඟුරු ආනයනය හේතුවෙන් රටට සිදුව ඇති බිලියන ගණනක පාඩුව වරදකරුවන්ගෙන් අයකර ගැනීම සඳහා ගත හැකි නීතිමය ක්රියාමාර්ග පිළිබඳව මෙහිදී වැඩි අවධානයක් යොමු කෙරෙනු ඇත.
මෙම වංචාවට එරෙහිව පාර්ලිමේන්තුව තුළ සිදුකරන විරෝධතාවලට අමතරව රට පුරා දියත් කරන මහජන උද්ඝෝෂණ සහ දැනුවත් කිරීමේ වැඩසටහන් පිළිබඳව ද මෙහිදී අවසාන තීරණ ගැනීමට නියමිතය. මෙම විශේෂ රැස්වීම සඳහා විපක්ෂය නියෝජනය කරන දේශපාලන පක්ෂ 20කට අධික සංඛ්යාවක නායකයින් සහ නියෝජිතයින් සහභාගී වීමට නියමිත බව වාර්තා වේ.
