අම්පාර දිස්ත්රික්කයේ රෝහල් පද්ධතිය සංවර්ධනය කරමින් ජනතාවට වඩාත් ගුණාත්මක සෞඛ්ය සේවාවක් ලබාදීම කෙරෙහි රජයේ විශේෂ අවධානය යොමුව තිබේ. මෙරට රජයේ රෝහල් පද්ධතිය නවීන පහසුකම්වලින් සමන්විතව පවත්වාගෙන යාමේ මූලික අරමුණ ඇතිව මධ්යම රජය ක්රියාත්මක කරන වැඩපිළිවෙළ යටතේ මෙම පියවර ගෙන ඇත.
මෙහි මූලික පියවරක් ලෙස සෞඛ්ය සේවා අධ්යක්ෂ ජනරාල් විශේෂඥ වෛද්ය අසේල ගුණවර්ධන මහතා පසුගියදා අම්පාර දිස්ත්රික්කයේ රෝහල් කිහිපයක නිරීක්ෂණ චාරිකාවක නිරත විය. එහිදී අම්පාර මහ රෝහල, මහඔය, දෙහිඅත්තකන්ඩිය සහ පොතුවිල් යන මූලික රෝහල්වල පවතින අඩුපාඩු මෙන්ම වත්මන් ක්රියාකාරීත්වය පිළිබඳව ද ඒ මහතා සොයා බැලීය. මීට අමතරව අම්පාර ප්රාදේශීය සෞඛ්ය සේවා අධ්යක්ෂ කාර්යාලයේ කටයුතු ද මෙහිදී නිරීක්ෂණයට ලක් විය.
විවිධ දුෂ්කරතා මධ්යයේ වුවද ප්රදේශයේ ජනතාවට කාර්යක්ෂම සේවාවක් ලබාදීමට කැපවන සෞඛ්ය කාර්ය මණ්ඩල වෙත සිය කෘතඥතාව පළ කළ අධ්යක්ෂ ජනරාල්වරයා, පවතින ගැටලුවලට කඩිනම් විසඳුම් ලබාදීම මගින් ග්රාමීය ජනතාවට වඩාත් විධිමත් සුව සත්කාරක සේවාවක් සහතික කිරීමට රජය බලාපොරොත්තු වන බව අවධාරණය කළේය.
