ශ්රී ලංකන් ගුවන් සමාගමේ (SriLankan Airlines) නිල සේවාවක් බව අඟවමින් වට්ස්ඇප් (WhatsApp) පණිවිඩ හරහා මහජනතාවගේ බැංකු ගිණුම්වල මුදල් සොරාගැනීමේ සංවිධානාත්මක වංචාවක් පිළිබඳව ශ්රී ලංකා පොලිසිය තොරතුරු අනාවරණය කරගෙන තිබේ.
වංචාකරුවන් විසින් ව්යාජ වෙබ් අඩවි හරහා ‘SriLankan.apk’ නමැති ජංගම දුරකථන යෙදුමක් (App) ස්ථාපනය කරන ලෙස පරිශීලකයින්ට දන්වනු ලබයි. පොලිසිය පවසන පරිදි මෙය ඉතා අන්තරායකර ‘බැංකු ට්රෝජන්’ (Banking Trojan) මෘදුකාංගයකි. මෙම යෙදුම දුරකථනයට ඇතුළත් කරගත් පසු, ඔබගේ දුරකථනයට දුරස්ථව ප්රවේශ වීමට (Remote Access) වංචාකරුවන්ට අවස්ථාව ලැබෙන අතර එමඟින් ඔබගේ පෞද්ගලික දත්ත සහ බැංකු තොරතුරු ඔවුන් සතු වේ.
මෙම වංචාව සඳහා භාවිතා කරන දුරකථන අංක කිහිපයක්
077 45 58 361
011 77 71 979
074 11 42 208
077 57 91 209
074 32 68 200
මෙම අංකවලින් හෝ වෙනත් අහඹු අංකවලින් ලැබෙන පණිවිඩ හරහා කිසිදු යෙදුමක් (App) බාගත කිරීමෙන් හෝ OTP කේත, බැංකු ගිණුම් තොරතුරු ලබා දීමෙන් වළකින ලෙස පොලිසිය මහජනතාවගෙන් දැඩි ලෙස ඉල්ලා සිටියි. සැකකටයුතු වෙබ් අඩවිවලට පිවිසීමෙන් වැළකී සිටීම ඔබගේ බැංකු ගිණුම්වල ආරක්ෂාවට ඉතා වැදගත් වේ.
