ස්ටොක්හෝම් ජාත්යන්තර සාම පර්යේෂණ ආයතනය (SIPRI) නිකුත් කළ නවතම වාර්තාවකට අනුව 2025 වසරේදී ගෝලීය මිලිටරි වියදම් 2.9% කින් ඉහළ ගොස් තිබේ. ඒ අනුව සමස්ත ලෝකයම යුධ කටයුතු වෙනුවෙන් වැය කර ඇති මුදල ඇමරිකානු ඩොලර් ට්රිලියන 2.89 කි. මෙය ලෝක දළ දේශීය නිෂ්පාදිතයෙන් (GDP) 2.5% ක් වන අතර 2009 වසරෙන් පසු වාර්තා වූ ඉහළම අගය ද වෙයි.
විශේෂත්වය වන්නේ ඇමරිකානු ජනාධිපති ඩොනල්ඩ් ට්රම්ප් විසින් යුක්රේනයට ලබා දෙන හමුදා ආධාර නතර කිරීම හේතුවෙන් ඇමරිකාවේ යුධ වියදම් 7.5% කින් පහත වැටී තිබීමයි. කෙසේ වෙතත් රුසියාව සහ යුක්රේනය අතර පවතින යුද්ධය හේතුවෙන් යුරෝපයේ මිලිටරි වියදම් 14% කින් ඉහළ ගොස් ඇත. ලොව වැඩිම මිලිටරි වියදම් දරන රටවල් ලෙස ඇමරිකාව චීනය සහ රුසියාව පෙරමුණේ පසුවන අතර ගෝලීය ආරක්ෂක අර්බුද හමුවේ 2026 වසරේදී ද මෙම වියදම් තවදුරටත් ඉහළ යනු ඇතැයි පර්යේෂකයෝ පුරෝකථනය කරති.
