ශ්රී ලංකාවේ සිය රාජකාරි කාලය නිම කර නික්ම යන නේපාල තානාපති ආචාර්ය පූර්ණ බහදූර් නේපාලි මහතා පසුගිය අප්රේල් 30 වන දින අරලියගහ මන්දිරයේදී අග්රාමාත්ය ආචාර්ය හරිනි අමරසූරිය මහත්මිය හමුවිය. ශ්රී ලංකාව සහ නේපාලය අතර පවතින දීර්ඝකාලීන මිත්රත්වය සහ ද්විපාර්ශ්වික සබඳතා ශක්තිමත් කිරීම උදෙසා තානාපතිවරයා සිය ධුර කාලය තුළ දැක්වූ කැපවීම සහ දායකත්වය අග්රාමාත්යවරිය විසින් මෙහිදී ඇගයීමට ලක් කරන ලදී. නේපාලය සමඟ පවතින සබඳතා තවදුරටත් වර්ධනය කර ගනිමින් දෙරටේම අන්යෝන්ය ප්රගතිය වෙනුවෙන් සහයෝගීතාව ඉහළ නැංවීමට ශ්රී ලංකාව තුළ පවතින අඛණ්ඩ කැපවීම ද අග්රාමාත්යවරිය මෙහිදී තහවුරු කළාය. මෙම අවස්ථාව සඳහා අග්රාමාත්ය ලේකම් ප්රදීප් සපුතන්ත්රි, අතිරේක ලේකම් සාගරිකා බෝගහවත්ත යන මහත්ම මහත්මීන් සහ විදේශ කටයුතු, විදේශ රැකියා සහ සංචාරක අමාත්යාංශයේ නිලධාරීන් පිරිසක් සහභාගී විය.
