බටහිර ඕස්ට්රේලියාවේ උත්සන්න වී ඇති මී උවදුර හේතුවෙන් එරට ආහාර සැපයුම් දාමයට එල්ල විය හැකි බලපෑම පිළිබඳව ඕස්ට්රේලියානු රජය දැඩි කනස්සල්ල පළ කර තිබේ. මෙම තත්ත්වය පාලනය කිරීම සඳහා කර්මාන්ත ක්ෂේත්රය සමඟ එක්ව කටයුතු කරන බව බලශක්ති අමාත්ය ක්රිස් බෝවන් මහතා පවසයි.
ඕස්ට්රේලියාවේ ධාන්ය වගා කරන ප්රදේශවල නිරන්තරයෙන් මතු වන ගැටලුවක් වන මී උවදුර, මේ වන විට බටහිර ඕස්ට්රේලියාවේ තිරිඟු වගා කරන ගොවිපළවල් ආක්රමණය කර තිබේ. අප්රේල් මාසයේ සිට ධාන්ය නිෂ්පාදකයින් විසින් තම අස්වැන්නට සිදුවන හානිය පිළිබඳව අනතුරු ඇඟවීම් නිකුත් කර ඇති අතර, වඩාත් ශක්තිමත් මී විෂ වර්ග ලබා දෙන ලෙස රජයෙන් ඉල්ලා සිටී.
ගොවීන්ට සහ කර්මාන්ත ක්ෂේත්රයට මෙය ඉතා අසීරු තත්ත්වයක් බව අමාත්යවරයා වැඩිදුරටත් අවධාරණය කරයි. ලොව සිව්වන විශාලතම තිරිඟු අපනයනකරු වන ඕස්ට්රේලියාව මින් පෙර 1993 වසරේදී ද දරුණු මී වසංගතයකට මුහුණ දී ඇති අතර, එම කාලයේදී හෙක්ටයාර් දහස් ගණනක වගාවන් විනාශ වී තිබිණි. එසේම එම වසංගතය අතරතුර සතුන් ඇති කරන ගොවිපළවල්වල සිටි සතුන්ටද මීයන්ගෙන් හානි සිදු විය.
