වත්මන් රජයේ පරිපාලන දුර්වලතා සහ මූල්ය අක්රමිකතා සම්බන්ධයෙන් නාමල් රාජපක්ෂ මහතා දැඩි විවේචනයක් එල්ල කර තිබේ. රජයට කිසිදු පාලනයක් නොමැති බව පවසන ඔහු පෙන්වා දෙන්නේ රුපියල් කෝටි 81ක් ගෙවන තෙක් බලධාරීන් ඒ පිළිබඳව කිසිවක් නොදැන සිටීම පුදුම සහගත බවයි. මෙයට අමතරව තවත් රුපියල් කෝටි 6ක මුදලක් අස්ථානගත වී ඇති බවත්, මාර්ග සංවර්ධන අධිකාරිය (RDA) විසින් එකම බිල්පත සඳහා දෙවතාවක් මුදල් ගෙවා ඇති බවත් ඔහු අනාවරණය කළේය.
මෙවැනි මූල්ය වංචා සහ වැරදීම් සිදුවන විට රජය ඒ පිළිබඳව කිසිවක් නොදැන සිටීම “පව්” සහගත තත්ත්වයක් බව පැවසූ රාජපක්ෂ මහතා, මහජන මුදල් මෙලෙස අවභාවිත වීම සම්බන්ධයෙන් වත්මන් පාලනය සෘජුව වගකිව යුතු බව අවධාරණය කළේය. එකම බිල්පතට දෙවරක් ගෙවීම් කිරීම වැනි සිදුවීම් හරහා රාජ්ය ආයතනවල පවතින අකාර්යක්ෂමතාව මැනවින් පිළිබිඹු වන බව ද ඔහු වැඩිදුරටත් සඳහන් කළේය.
