අද (මැයි 03) අලුයම පැවති අයහපත් කාලගුණික තත්ත්වය හේතුවෙන් හබරාදූව පොලිස් වසමේ කොක්වත්ත ප්රදේශයේ පිහිටි නිවසකට අකුණු සැර වැදීමෙන් 26 හැවිරිදි තරුණියක් ජීවිතක්ෂයට පත්ව තිබේ. අකුණු සැර වැදීමෙන් තවත් කාන්තාවක් තුවාල ලබා රෝහල්ගත කර ඇති අතර, පසුව ඇය වැඩිදුර ප්රතිකාර සඳහා කරාපිටිය ශික්ෂණ රෝහල වෙත මාරු කර යවා ඇත.
මියගිය තරුණිය කොක්වත්ත, හබරාදූව ප්රදේශයේ පදිංචිකාරිනියක් වන අතර, සිද්ධිය වන අවස්ථාවේදී අදාළ කාන්තාවන් දෙදෙනා නිවස තුළ සිටියදී මෙම අනතුර සිදුවී ඇති බව මූලික පොලිස් පරීක්ෂණවලදී අනාවරණය වී තිබේ. මොවුන් දෙදෙනා ප්රදේශයේ ඇඟලුම් කම්හලක සේවය කරන සේවිකාවන් බවද හඳුනාගෙන ඇත. හබරාදූව පොලිසිය සිද්ධිය සම්බන්ධයෙන් වැඩිදුර පරීක්ෂණ සිදු කරයි.
