මහා භාණ්ඩාගාරයේ ගනුදෙනු සහ ගල් අඟුරු ආනයන ක්රියාවලිය සම්බන්ධයෙන් එල්ල වන චෝදනා ප්රතික්ෂේප කරමින් ජනතා විමුක්ති පෙරමුණේ ප්රධාන ලේකම් ටිල්වින් සිල්වා මහතා ප්රකාශ කළේ එම සිදුවීම්වලදී කිසිදු මූල්ය වංචාවක් සිදුව නොමැති බවයි.
මාතරදී පසුගියදා පැවැති ජාතික ජන බලවේගයේ මැයි දින රැළිය අමතමින් ඒ මහතා මේ බව අවධාරණය කළේය. වත්මන් රජයේ ක්රියාකලාපය විවේචනය කරන පිරිස් විසින් පදනම් විරහිත චෝදනා එල්ල කරන බවත්, භාණ්ඩාගාරයේ සහ ගල් අඟුරු ගනුදෙනුවලදී නීත්යානුකූල සහ විනිවිදභාවයකින් යුත් ක්රමවේද අනුගමනය කර ඇති බවත් ඔහු වැඩිදුරටත් සඳහන් කළේය.
පසුගිය පාලන සමයන්හි සිදුවූ වංචාවලට සමාන කරමින් වත්මන් පාලනයට චෝදනා එල්ල කිරීමට ඇතැම් දේශපාලන කණ්ඩායම් උත්සාහ කරමින් සිටින බව පැවසූ ලේකම්වරයා, මෙහිදී කිසිදු මහජන මුදලක් අවභාවිත වී නොමැති බවට සහතික විය.
