ජාතික ජන බලවේගය විපක්ෂයේ සිටියදී රාජපක්ෂ පවුලේ සාමාජිකයින්ට සහ ඔවුන්ගේ රජයේ නිලධාරීන්ට එරෙහිව ප්රධානතම අවියක් ලෙස ද්විත්ව පුරවැසිභාවය පිළිබඳ කරුණ භාවිත කළ ආකාරය නාමල් රාජපක්ෂ මහතා මෙහිදී සිහිපත් කර දෙයි. එදා “රටට ආදරය කරන පිරිස් ද්විත්ව පුරවැසිභාවය අත්හැරිය යුතු බව” පැවසූ මාලිමාවේ නායකයින්, අද බලයට පත් වූ පසු විදෙස් රටවල පුරවැසිභාවය දරන සිය හිතවතුන් සහ ආධාරකරුවන් මෙරටට ගෙන්වා ඉහළ තනතුරු සහ වරප්රසාද ලබා දෙන බවට ඔහු චෝදනා කරයි. විශේෂයෙන්ම මැතිවරණ සමයේදී රජය වෙනුවෙන් පෙනී සිටිමින් “කඩේ ගිය” පුද්ගලයන්ට මෙලෙස තනතුරු පිරිනැමීම හරහා රජය පවත්වාගෙන ගිය “වෙනස්ම දේශපාලන සංස්කෘතියක්” පිළිබඳ පොරොන්දුව බිඳ වැටී ඇති බව ඔහුගේ අදහසයි.
ද්විත්ව පුරවැසිභාවය සහිත පුද්ගලයන් රාජ්ය පාලනයට සම්බන්ධ කර නොගන්නා බවට ජනතාවට ලබා දුන් සහතිකය අමු අමුවේ උල්ලංඝනය කරමින්, අද වන විට මාලිමා රජය තුළද එවැනි පුද්ගලයන් සිටින බවත් මෙය රාජපක්ෂ විරෝධය මත පමණක් ගොඩනැගූ බොරු ප්රචාරයක් බවත් නාමල් රාජපක්ෂ මහතා වැඩිදුරටත් අවධාරණය කරයි. මේ හරහා පෙනී යන්නේ බලය ලබා ගැනීමට පෙර කී දේ සහ බලය ලබා ගත් පසු කරන දේ අතර පවතින දැවැන්ත පරස්පරතාවය බව ද ඔහු පෙන්වා දෙයි.
