කුඩා පරිමාණ කෘෂි ව්යවසායකත්ව සහභාගීත්ව වැඩසටහන (SARP) යටතේ පුත්තලම දිස්ත්රික්කයේ කෘෂිකාර්මික මාර්ග කිහිපයක සංවර්ධන කටයුතු රාජ්ය අමාත්ය මහාචාර්ය චන්දන අබයරත්න මහතාගේ ප්රධානත්වයෙන් පසුගියදා ආරම්භ විය. ආණමඩුව, පල්ලම සහ නවගත්තේගම යන ප්රාදේශීය ලේකම් කොට්ඨාස කේන්ද්ර කරගනිමින් මෙම ව්යාපෘති ක්රියාවට නැංවෙන අතර ඒ හරහා ප්රදේශයේ ගොවි ජනතාවට සිය නිෂ්පාදන ප්රවාහනය කිරීමේදී පවතින ගැටලුවලට ස්ථිර විසඳුම් ලැබෙනු ඇතැයි අපේක්ෂා කෙරේ.
මෙම වැඩපිළිවෙළ යටතේ ආණමඩුව මහා කුරටීහේන වැව පෝෂක මාර්ගය රුපියල් මිලියන 1.8කට අධික පිරිවැයකින් ප්රතිසංස්කරණය කෙරෙන අතර පල්ලම ප්රදේශයේ වතුපොළ වැව සහ තොරවටන වැව යා කරන කෘෂිකාර්මික මාර්ගය සංවර්ධනය කිරීම සඳහා රුපියල් මිලියන 4.3ක මුදලක් වෙන් කර තිබේ. මීට අමතරව නවගත්තේගම වීරගස්වැව පෝෂක මාර්ගයේ වැඩකටයුතු ද මේ වන විට ආරම්භ කර ඇත. කෘෂිකර්මාන්තය සඳහා වූ ජාත්යන්තර අරමුදල (IFAD) මගින් මූල්ය ප්රතිපාදන සපයන මෙම ව්යාපෘතිය යටතේ දිස්ත්රික්කයේ තවත් අතුරු මාර්ග රැසක් ඉදිරියේදී සංවර්ධනය කිරීමට නියමිත බව ද සඳහන් වේ.
