දෙදින නිල සංචාරයක් සඳහා දිවයිනට පැමිණ සිටින වියට්නාම ජනාධිපති ටෝ ලාම් මහතා සහ ජනාධිපති අනුර කුමාර දිසානායක මහතා අතර පැවැති ඒකාබද්ධ මාධ්ය හමුවේදී, දෙරට අතර වෙළඳ හා ආර්ථික සබඳතා නව මානයකට ඔසවා තැබීමට තීරණය කළ බව ප්රකාශ විය. එහිදී අදහස් දැක්වූ වියට්නාම ජනාධිපතිවරයා අවධාරණය කළේ වෙළඳාම, ආයෝජන සහ ආර්ථික කටයුතු ඇතුළු ක්ෂේත්ර රැසක පවතින සබඳතා තවදුරටත් ශක්තිමත් කරමින් තිරසර සහයෝගීතාවයකින් කටයුතු කිරීමට දෙරටම සූදානම් බවයි. විශේෂයෙන්ම කෘෂිකාර්මික නිෂ්පාදන, තාක්ෂණික හුවමාරුව සහ සංචාරක ක්ෂේත්රයේ දියුණුව සඳහා දෙරටේ පවතින සම්පත් හා හැකියාවන් උපරිමයෙන් භාවිත කිරීමටත්, ද්විපාර්ශ්වික වෙළඳ ගනුදෙනු ඉහළ නැංවීමට අවශ්ය පසුබිම සකස් කිරීමටත් මෙම සාකච්ඡාවලදී විශේෂ අවධානයක් යොමු කෙරිණි. මෙම නව ආර්ථික ප්රවේශය හරහා ඉදිරි වසර කිහිපය තුළ ශ්රී ලංකාව සහ වියට්නාමය අතර පවතින රාජ්ය තාන්ත්රික හා ආර්ථික බැඳීම වඩාත් අර්ථවත් වනු ඇතැයි ද නායකයෝ විශ්වාසය පළ කළහ.
