දිවයින පුරා මත්ද්රව්ය සැපයුම් ජාලය අඩපණ කිරීම සහ මත්ද්රව්ය උවදුර මුලිනුපුටා දැමීම අරමුණු කරගනිමින් ක්රියාත්මක වන “රටම එකට” ජාතික මෙහෙයුම යටතේ 2026 මැයි මස 07 වන දින සිදු කළ වැටලීම්වලදී සැකකරුවන් 840 දෙනෙකු අත්අඩංගුවට ගෙන තිබේ. මෙම මෙහෙයුමේදී හෙරොයින් ග්රෑම් 945ක්, අයිස් මත්ද්රව්ය කිලෝග්රෑම් 02යි ග්රෑම් 827ක් සහ ගංජා කිලෝග්රෑම් 01යි ග්රෑම් 813ක් සමඟ ගංජා පැළ 26ක් පොලිස් භාරයට ගෙන ඇති අතර මීට අමතරව මත්පෙති 678ක්, ටැමඩෝල් ග්රෑම් 602ක් සහ මාවා ග්රෑම් 100ක් ද සොයාගෙන ඇත. අත්අඩංගුවට ගත් සැකකරුවන් අතරින් අට දෙනෙකු සම්බන්ධයෙන් රඳවා තබා ගැනීමේ නියෝග ලබාගෙන ප්රශ්න කිරීම් සිදු කරන අතර පුද්ගලයින් දෙදෙනෙකුට එරෙහිව නීතිවිරෝධී වත්කම් විමර්ශන ආරම්භ කර තිබේ. එමෙන්ම මත්ද්රව්යවලට ඇබ්බැහි වූ පුද්ගලයින් සිව්දෙනෙකු පුනරුත්ථාපනය සඳහා යොමු කිරීමට ද පියවර ගෙන ඇති අතර පොලිස්පතිවරයාගේ උපදෙස් මත ශ්රී ලංකා පොලිසිය මෙම විශේෂ මෙහෙයුම දිවයින පුරා අඛණ්ඩව ක්රියාත්මක කරනු ලබයි.
