කෲස් නෞකාවකදී වාර්තා වූ හැන්ටා වෛරසය (Hantavirus) පැතිරීම ගෝලීය වසංගතයක ආරම්භයක් නොවන බව ලෝක සෞඛ්ය සංවිධානය (WHO) අවධාරණය කරයි. එම සංවිධානයේ බෝවන රෝග පිළිබඳ වසංගත රෝග විද්යාඥ මාරියා වැන් කර්කොව් මහත්මිය පෙන්වා දෙන්නේ හැන්ටා වෛරසය COVID-19 වැනි වේගයෙන් ව්යාප්ත වන ගෝලීය වසංගත තත්ත්වයක් ලෙස සැලකිය නොහැකි බවයි. මෙම වෛරසය සාමාන්යයෙන් පැතිරෙන්නේ “සමීප සහ සෘජු සම්බන්ධතා” හරහා පමණක් බවත්, එබැවින් අනවශ්ය බියක් ඇති කර නොගත යුතු බවත් ඇය ප්රවෘත්ති සාකච්ඡාවකදී පැහැදිලි කළාය. වෛරසයේ ව්යාප්තිය පාලනය කර ඇති අතර ගෝලීය වශයෙන් මහජන සෞඛ්යයට ඉන් එල්ල වන තර්ජනය අවම මට්ටමක පවතින බව ද ලෝක සෞඛ්ය සංවිධානය වැඩිදුරටත් සහතික කරයි.
