Range Rover සන්නාමයේ නවීන සුඛෝපභෝගී අනන්යතාවය විදහා දක්වමින් “Range Rover Boutique Residency” ප්රදර්ශනාගාරය කොළඹ ITC රත්නදීප (ITC Rathnadeepa Colombo One Workplaces) පරිශ්රයේදී Access Motors සමාගම විසින් නිල වශයෙන් විවෘත කරන ලදී. සරල බව සහ උසස් නිමාව මූලික කරගත් වාස්තු විද්යාත්මක සැලසුමකින් යුත් මෙම සුවිශේෂී අවකාශය, පාරිභෝගිකයන්ට Range Rover සන්නාමය සමඟ වඩාත් සමීප සහ අලුත් අත්දැකීමක් ලබාදීම සඳහා නිර්මාණය කර තිබේ.
මෙම නව බුටික් ප්රදර්ශනාගාරය තුළදී පාරිභෝගිකයන්ට ඉතා පෞද්ගලික මට්ටමේ සේවාවක් අත්විඳීමට අවස්ථාව හිමිවේ. Range Rover මාදිලියේ නවතම වාහන මෙහි ප්රදර්ශනය කර ඇති අතර, පුහුණු විශේෂඥයන්ගේ මගපෙන්වීම යටතේ වාහනයේ අභ්යන්තර සැකසුම්, අතිරේක උපාංග සහ ජීවන රටාවට ගැලපෙන සුවිශේෂී තේරීම් පිළිබඳව සාකච්ඡා කර තීරණ ගැනීමට පාරිභෝගිකයන්ට පහසුකම් සලසා ඇත.
මෙම පියවර Range Rover සන්නාමයේ ගෝලීය උපායමාර්ගික ගමන් මගෙහි තීරණාත්මක සන්ධිස්ථානයක් වන අතර, මෙරට සුඛෝපභෝගී මෝටර් රථ පාරිභෝගිකයන් වෙත ඉහළම මට්ටමේ වෘත්තීයමය සහ ගුණාත්මක සේවාවක් ලබාදීම මෙහි මූලික අරමුණයි. කොළඹ නගරයේ මර්මස්ථානයක පිහිටි මෙම නව මධ්යස්ථානය හරහා සුඛෝපභෝගී වාහන අත්දැකීම නව මානයකට ගෙන යාමට Access Motors අපේක්ෂා කරයි.
