බස්නාහිර පළාතේ වීදි සතුන් මුහුණ දෙන ගැටලු සඳහා තිරසාර විසඳුමක් ලබාදීමේ අරමුණින් විශේෂ රැකවරණ මධ්යස්ථාන සහ සත්ව ආදාහනාගාර පහසුකම් ඇති කිරීමේ නව ව්යාපෘතියක් රජයේ මැදිහත්වීමෙන් ආරම්භ කර තිබේ. මෙය වීදිවල සරන අසරණ සතුන් වෙනුවෙන් ක්රියාත්මක වන සුවිශේෂී මානුෂීය ව්යාපෘතියක් ලෙස සැලකේ.මෙම ව්යාපෘතිය පිළිබඳව මහජනතාව සහ නිලධාරීන් දැනුවත් කිරීමේ විශේෂ වැඩසටහනක් බස්නාහිර පළාත් සභාවේ පළාත් පාලන කොමසාරිස්තුමියගේ ප්රධානත්වයෙන් අද (15) දින කැස්බෑව ප්රාදේශීය සම්බන්ධීකරණ කමිටුවේදී පවත්වන ලදී. සතුන් වෙනුවෙන් විශේෂ රැකවරණ මධ්යස්ථාන පිහිටුවීමට අමතරව, ලංකාවේ ප්රථම සත්ව ආදාහනාගාරය ඉදි කිරීම ද මෙම ව්යාපෘතිය යටතේ සිදු කිරීමට නියමිතය.කැස්බෑව ප්රාදේශීය සම්බන්ධීකරණ කමිටු සභාපතිවරයාගේ උපදෙස් මත, රජයේ ප්රවෘත්ති දෙපාර්තමේන්තුවේ සහාය ඇතිව ඉදිරියේදී මෙහි දැනුවත් කිරීමේ කටයුතු පුළුල් ලෙස සිදු කිරීමට සැලසුම් කර ඇත.
