කෑගල්ල, බුලත්කොහුපිටිය සහ කරවනැල්ල යා කෙරෙන ප්රධාන මාර්ගයේ කිලෝමීටර් 19ක සමස්ත කොටස නවීකරණය කිරීමේ මහා පරිමාණ ව්යාපෘතිය පසුගිය 14 වැනිදා පරිසර අමාත්ය දම්මික පටබැඳි මහතාගේ ප්රධානත්වයෙන් නිල වශයෙන් ආරම්භ විය. මෙහි පළමු අදියරේ කටයුතු වෙනුවෙන් රුපියල් මිලියන 269.8ක මුදලක් රජය විසින් වෙන් කර ඇති අතර එමගින් කිලෝමීටර් 3.2ක දුරක් කාපට් අතුරා සම්පූර්ණයෙන්ම සංවර්ධනය කිරීමට නියමිතය. විශේෂයෙන්ම කඳුකර ප්රදේශ හරහා දිවෙන මෙම මාර්ගයේ පවතින නායයෑම් අවදානම් සහිත ස්ථාන ප්රතිසංස්කරණය කිරීම, අස්ථාවර බෑවුම් සහිත ස්ථානවල ආරක්ෂිත බැම්ම ඉදිකිරීම සහ විධිමත් ජලපවාහන පද්ධතියක් ස්ථාපිත කිරීම කෙරෙහි මෙහිදී වැඩි අවධානයක් යොමු කෙරේ. මෙම සංවර්ධන කටයුතු අවසන් වීමත් සමඟ ප්රදේශයේ ජනතාවට වඩාත් ආරක්ෂිත සහ කාර්යක්ෂම ප්රවාහන සේවාවක් අත්කර ගැනීමට අවස්ථාව හිමිවනු ඇත.
