වත්මන් ආණ්ඩුව බලය ලබාගැනීමට මෙන්ම දැන් එම බලය රැකගැනීමට ද දිගින් දිගටම ජනතාවට බොරු පවසන බව ශ්රී ලංකා නිදහස් පක්ෂයේ මහලේකම් දුමින්ද දිසානායක මහතා පවසයි. ආණ්ඩුවේ මැයි දින ප්රකාශ නිසා අධිකරණයේ ස්වාධීනත්වය සහ ඒ කෙරෙහි පවතින මහජන විශ්වාසය දැඩි ලෙස පලුදු වී ඇති බව ද ඔහු පෙන්වා දෙයි.
මේ අතර ශ්රී ලංකන් ගුවන් සමාගමේ හිටපු ප්රධාන විධායක නිලධාරී කපිල චන්ද්රසේන මහතාගේ මරණය සියදිවි නසාගැනීමක් ද නැතහොත් ඒ තැනට ඔහුව පත්කිරීමක් ද යන්න පිළිබඳව බරපතළ සැකයක් පවතින බව ශ්රී ලංකා පොදුජන පෙරමුණේ ප්රධාන ලේකම් නීතිඥ සාගර කාරියවසම් මහතා ප්රකාශ කරයි. ඇප ලබාගැනීමේ සිද්ධිය සම්බන්ධයෙන් අල්ලස් කොමිසම කටයුතු කළ ආකාරය පිළිබඳව වහාම විධිමත් විමර්ශනයක් පැවැත්විය යුතු බව ද ඔහු අවධාරණය කරයි.
රටට බාල ගල්අඟුරු ආනයනය කිරීම නිසා ප්රධාන විදුලි නිෂ්පාදනය බිඳ වැටුණු බවත්, එම අඩුව පියවීමට අධික මිලට ඩීසල් පාවිච්චි කිරීම හේතුවෙන් ඉන්ධන මිල ඉහළ ගිය බවත් පිවිතුරු හෙළ උරුමයේ නායක උදය ගම්මන්පිල මහතා චෝදනා කරයි. ආණ්ඩුවේ පවතින මෙම නොහැකියාවේ සහ වැරදි තීරණවල බර මහජනතාව පිට පටවන්නට ඉඩ දිය නොහැකි බව ද ඔහු වැඩිදුරටත් කියා සිටියි.
