ලෝක සෞඛ්ය සංවිධානය (WHO) විසින් හඳුන්වා දෙනු ලැබූ උසස් ප්රමිතීන්ට සහ ගෝලීය උපදෙස්වලට අනුකූලව ක්රියා කරමින්, මවගෙන් දරුවාට HIV සහ උපදංශ (Syphilis) රෝග සම්ප්රේෂණය වීම සාර්ථකව අවම කර එය අඛණ්ඩව පවත්වාගෙන යාම වෙනුවෙන් ශ්රී ලංකා සෞඛ්ය ක්ෂේත්රය ලැබූ විශිෂ්ට ප්රගතිය අගය කරමින් ලෝක සෞඛ්ය සංවිධානය ඊයේ (19) ශ්රී ලංකාවට විශේෂ ජාත්යන්තර ඇගයීමක් ප්රදානය කළේය.
ස්විට්සර්ලන්තයේ ජිනීවා නුවර මේ දිනවල පැවැත්වෙන ලෝක සෞඛ්ය සංවිධානයේ 79 වන ලෝක සෞඛ්ය සමුළුවේදී (79th World Health Assembly) මෙම නිල ඇගයීම් සහතික පත්රය පිරිනමන ලදී. එහිදී ලෝක සෞඛ්ය සංවිධානයේ අධ්යක්ෂ ජනරාල් වෛද්ය ටෙඩ්රොස් ඇඩަނොම් ගෙබ්රෙයෙසස් (Dr. Tedros Adhanom Ghebreyesus) මහතා අතින් සෞඛ්ය හා ජනමාධ්ය අමාත්ය වෛද්ය නලින්ද ජයතිස්ස මහතා වෙත මෙම සහතිකය බාර දෙනු ලැබීය.
මෙම විශේෂ ජාත්යන්තර සමුළුවට සහභාගි වූ සෞඛ්ය හා ජනමාධ්ය අමාත්ය වෛද්ය නලින්ද ජයතිස්ස මහතා ඊයේ (19) දිනයේදී 79 වන ලෝක සෞඛ්ය සමුළුවේ ප්රධාන සැසිය ද ඇමතීය. ලෝක සෞඛ්ය සංවිධානයේ දකුණු සහ අග්නිදිග ආසියානු කලාපීය සමුළුවේ වත්මන් සභාපතිවරයා මෙන්ම ශ්රී ලංකාවේ සෞඛ්ය අමාත්යවරයා ලෙස වෛද්ය නලින්ද ජයතිස්ස මහතා මෙවර සමුළුවේදී මෙරට නියෝජනය කරමින් සුවිශේෂී කාර්යභාරයක් ඉටු කරයි.
