අදට (20) යෙදී ඇති ජාත්යන්තර බිඟු දිනය (World Bee Day) නිමිත්තෙන් බිඟුවන් ඇතුළු පරාගකාරකයන් ආරක්ෂා කිරීම පිළිබඳව මහජනතාව දැනුවත් කිරීමේ විශේෂ පාගමනක් සහ පත්රිකා බෙදාදීමේ වැඩසටහනක් අද පාදුක්ක නගරයේදී සාර්ථකව පවත්වා තිබේ. භෝග පරාගණය තුළින් තිරසර ආහාර නිෂ්පාදනයට, ජෛව විවිධත්වයට සහ නිරෝගීමත් පරිසර පද්ධතියක් ඇති කිරීම සඳහා බිඟුවන් (මීමැස්සන්) දක්වන සුවිශේෂී දායකත්වය ලෝකයාට කියාපෑමේ අරමුණින් එක්සත් ජාතීන්ගේ සංවිධානය විසින් මැයි 20 වනදා මෙලෙස ලෝක බිඟු දිනය ලෙස නම් කර ඇත.
පරිසරය රැකගැනීමත් බිඟුවන් ආරක්ෂා කරගැනීමත් ප්රධාන තේමාව කරගනිමින් කෘෂිකර්ම දෙපාර්තමේන්තුව විසින් මෙම උපහාර වැඩසටහන සංවිධානය කර තිබුණි. මේ සඳහා පාදුක්ක ගොවිජන සේවා මධ්යස්ථානයට අයත් ග්රාම සේවා වසම් 43ක් නියෝජනය කරමින් මීමැසි පාලනයේ (Beekeeping) ක්රියාකාරීව යෙදෙන තරුණ තරුණියන් මෙන්ම ප්රදේශයේ ගොවි ජනතාව ද විශාල පිරිසක් ඉතා උද්යෝගයෙන් යුතුව එක්ව සිටියහ. රසායනික කෘමිනාශක භාවිතය අවම කරමින් බිඟුවන්ගේ පැවැත්ම තහවුරු කිරීමට වහා පියවර ගත යුතු බව මෙහිදී අවධාරණය කෙරිණි.
