ශ්රී ලංකාවේ සමස්ත බන්ධනාගාර පද්ධතිය තුළ මේ වන විට නිලධාරීන් 2,000කට ආසන්න බරපතළ පුරප්පාඩු සංඛ්යාවක් පවතින බව බන්ධනාගාර අභ්යන්තර ආරංචි මාර්ග අනාවරණය කරයි. මෙම දැඩි සේවක හිඟය හේතුවෙන් බන්ධනාගාරවල දෛනික පරිපාලන කටයුතු, ආරක්ෂක විධිවිධාන මෙන්ම රැඳවියන් කළමනාකරණය කිරීමේ කටයුතු ද ඉතා අසීරු තත්ත්වයකට පත්ව තිබේ.
අධිකරණ සහ ජාතික ඒකාබද්ධතා අමාත්ය නීතිඥ හර්ෂණ නානායක්කාර මහතා පවසන්නේ, 2022 වසරේ සිට මේ දක්වා බන්ධනාගාර දෙපාර්තමේන්තුව සඳහා කිසිදු නව නිලධාරියෙකු බඳවා ගැනීමට කටයුතු කර නොමැති බවයි. දිගු කලක් තිස්සේ පවතින මෙම ගැටලුව හේතුවෙන් දැනට සේවයේ නියුතු නිලධාරීන්ට ද දැඩි සේවා පීඩනයකට සහ කාර්යභාරයකට මුහුණ දීමට සිදුව ඇත.
මෙම තත්ත්වය බන්ධනාගාරවල ආරක්ෂාවට සහ කාර්යක්ෂමතාවයට දැඩි බලපෑමක් එල්ල කර ඇති අතර, කඩිනමින් බඳවා ගැනීම් සිදු කිරීමේ වැදගත්කම පිළිබඳව බලධාරීන්ගේ අවධානය යොමු වී තිබේ.
