ඉරානය සමඟ පවතින ගැටුම් අවසන් කිරීම අරමුණු කරගත් යෝජිත සාම ගිවිසුමකට අත්සන් තැබීම සම්බන්ධයෙන් අමෙරිකානු ජනාධිපති ඩොනල්ඩ් ට්රම්ප් මෙතෙක් අවසන් තීරණයකට එළඹ නොමැති බව විදෙස් මාධ්ය වාර්තා කරයි.
ධවල මන්දිරයේ පැවති විශේෂ සාකච්ඡාවකින් අනතුරුව අදහස් දක්වමින් අමෙරිකානු බලධාරීන් සඳහන් කළේ, ජනාධිපති ට්රම්ප් මෙම ගිවිසුම සම්බන්ධයෙන් “අවසාන තීරණයක්” ගැනීමට පෙර ඒ පිළිබඳව තවදුරටත් කරුණු අධ්යයනය කරමින් සිටින බවයි. ඉරානය කිසිදු විටෙක න්යෂ්ටික අවි ලබා නොගත යුතු බවත්, අමෙරිකාවට වාසිදායක වන සහ සිය දැඩි කොන්දේසි සපුරාලන ගිවිසුමකට පමණක් තමන් එකඟ වන බවත් ජනාධිපතිවරයා අවධාරණය කර ඇත.
මේ අතර, ඉරාන පාර්ශ්වය පවසන්නේ මෙතෙක් කිසිදු අවසන් එකඟතාවයකට එළඹ නොමැති බවත්, දෙරට අතර අදහස් හුවමාරු වීම් තවදුරටත් සිදුවෙමින් පවතින බවත්ය. යෝජිත ගිවිසුම සත්ය සහ අසත්ය මිශ්රණයක් බව පවසමින් ඉරානයේ ‘ෆාර්ස්’ පුවත් සේවයද ජනාධිපති ට්රම්ප්ගේ ප්රකාශ කිහිපයක් ප්රතික්ෂේප කර තිබේ. කෙසේ වෙතත්, තත්ත්වය තවමත් සංවේදී සීමාවක පවතින අතර, අමෙරිකානු හමුදාව කලාපයේ තම මිලිටරි පැවැත්ම සහ සෝදිසි මෙහෙයුම් අඛණ්ඩව පවත්වාගෙන යයි.
