කැනඩා ආර්ථිකය 2026 වසරේ පළමු කාර්තුව තුළ අනපේක්ෂිත ලෙස හැකිලීමකට ලක්ව ඇති බව ස්ටැටිස්ටික්ස් කැනඩා (Statistics Canada) ආයතනය වාර්තා කරයි. පසුගිය වසරේ සිව්වන කාර්තුවේදී 1%කින් හැකිලුණු කැනඩා දළ දේශීය නිෂ්පාදිතය (GDP), මෙවර පළමු කාර්තුවේදී 0.1%කින් හැකිලී ඇත. වසරක කාලයක් තුළ අඛණ්ඩව කාර්තු දෙකක් ආර්ථිකය හැකිලීම “තාක්ෂණික අවපාතයක්” ලෙස අර්ථ දැක්වෙන බැවින්, කැනඩාව මේ වන විට එම තත්ත්වයට මුහුණ දී සිටී.
විශ්ලේෂකයින් සහ කැනඩා මහ බැංකුව මීට පෙර අපේක්ෂා කළේ පළමු කාර්තුව තුළ 1.5%ක ශක්තිමත් ආර්ථික වර්ධනයක් සිදුවනු ඇති බවයි. කෙසේ වෙතත්, අමෙරිකා එක්සත් ජනපදයේ ආනයන තීරුබදු (Tariffs) හේතුවෙන් ඇති වූ අවිනිශ්චිතතාවය කැනඩා ආර්ථිකයට දැඩි බලපෑමක් එල්ල කර තිබේ. මෙම තීරුබදු ප්රතිපත්තියේ බලපෑම හේතුවෙන් ආයෝජන, බඳවා ගැනීම් සහ වියදම් සැලකිය යුතු ලෙස අඩු වී ඇති අතර, භාණ්ඩ හා සේවා මිල ඉහළ යාමට ද එය හේතු වී ඇත.
පවතින අභියෝග මධ්යයේ වුවද, අප්රේල් මාසයේදී ආර්ථික වර්ධනය 0.4%කින් ඉහළ යා හැකි බවට මූලික ඇස්තමේන්තු පෙන්වා දෙයි.
