විපක්ෂය විසින් අගාධයට ඇද දමා තිබූ මෙරට ආර්ථිකය යළි ගොඩනැගීමට වත්මන් රජය සමත්ව ඇති බව අමාත්ය ක්රිෂාන්ත අබේසේන මහතා අවධාරණය කරයි. අමාත්යවරයා පෙන්වා දෙන පරිදි රට බේරාගැනීම ගැන විපක්ෂය කතා කළද සැබවින්ම රට විනාශ කර ඇත්තේ ඔවුන් විසිනි.පසුගිය කාලසීමාව තුළ පැවති අර්බුදකාරී තත්ත්වය සම්බන්ධයෙන් අමාත්යවරයා දැක්වූ කරුණු අතර පසුගිය කාලය තුළ මෙරට ආර්ථිකය සෘණ අගයක පැවතීම සහ එම යුගයේදී ජනතාවට අත්යවශ්ය ආහාර පාන මෙන්ම පෙට්රල් ඩීසල් සහ ගෑස් පවා නොතිබූ අර්බුදකාරී තත්ත්වයක් උද්ගතව තිබීම ප්රධාන වේ. එවැනි අසීරු තත්ත්වයක තිබූ රට මේ වන විට යම් මට්ටමකට ස්ථාවර කිරීමට රජය පියවර ගෙන ඇත.විපක්ෂයේ ක්රියාකලාපය විවේචනය කරමින් අමාත්යවරයා වැඩිදුරටත් සඳහන් කළේ අද දින විපක්ෂය ලෙස හඬ නගන්නේ එදා රට අර්බුදයට ඇද දැමූ කාලයේ අමාත්ය ධුර දැරූ පිරිසම බවත් ඔවුන්ගේ අතීත අසාර්ථකත්වය ඔවුන්ගේ මුහුණුවලින්ම පෙනෙන බවත්ය.
