ගාල්ල ජාතික රෝහලේ පිළිකා ඒකකය පිහිටි භූමියට පිටතින් ස්ථාපිත කර තිබූ විදුලි ට්රාන්ස්ෆෝමරයක අද (16) හදිසි ගින්නක් හටගෙන තිබේ.
ගින්න පිළිබඳව දැනගත් වහාම රෝහල් බලධාරීන් සහ ගාල්ල මහනගර සභාවේ ගිනි නිවන ඒකකය එක්ව කඩිනමින් ක්රියාත්මක වී ගින්න සම්පූර්ණයෙන්ම නිවා දැමීමට කටයුතු කර ඇත.
මෙම ගින්න හේතුවෙන් ගාල්ල ජාතික රෝහලේ පිළිකා ඒකකයේ විදුලි සැපයුම තාවකාලිකව විසන්ධි වී ඇති බව වාර්තා වේ. ගින්න හටගැනීමට හේතුව මෙතෙක් අනාවරණය වී නොමැති අතර, සිද්ධිය සම්බන්ධයෙන් වැඩිදුර පරීක්ෂණ ක්රියාත්මකයි.
