පසුගිය රජයන් කෝටි ප්රකෝටි ගණනින් විදේශ ණය ලබා ගනිමින් අධිවේගී මාර්ග ඉදිකළ ද, වත්මන් රජය ජනතාවගෙන් සාධාරණ ලෙස අය කරගන්නා බදු මුදල් යොදවා රටට අවශ්ය මාර්ග පද්ධතිය සංවර්ධනය කරමින් සිටින බව නිවාස ඉදිකිරීම් සහ ජල සම්පාදන නියෝජ්ය අමාත්ය ටී.බී. සරත් මහතා පවසයි.
මාධ්ය වෙත අදහස් දක්වමින් නියෝජ්ය අමාත්යවරයා අවධාරණය කළේ පසුගිය පාලන සමයන්හිදී මහා පරිමාණ ව්යාපාරිකයන්ගෙන් නිසි ලෙස බදු අය කර නොගැනීම හේතුවෙන් රටේ ආර්ථිකය දැඩි පසුබෑමකට ලක් වූ බවයි. විශේෂයෙන්ම දයා ගමගේ, ජොන්ස්ටන් ප්රනාන්දු සහ ඇලෝසියස් වැනි ව්යාපාරිකයන්ගෙන් අය විය යුතු රුපියල් කෝටි ගණනාවක බදු මුදල් අය කර ගැනීමට වත්මන් රජය පියවර ගෙන ඇති බව ඔහු වැඩිදුරටත් සඳහන් කළේය.
එදා පාලකයෝ තමන්ගේ හිතවත් ව්යාපාරිකයන්ට බදු සහන දෙමින් රට ණය උගුලක හිර කළ බවත්, වත්මන් රජය කරන්නේ එම පැහැර හරින ලද බදු මුදල් නිසි ලෙස රජයට අය කරගෙන මහජනතාවගේ යහපත වෙනුවෙන් යෙදවීම බවත් අමාත්යවරයා පැවසීය. රඹුක්කන සිට කුරුණෑගල දක්වා සහ කොළඹ සිට මීරිගම දක්වා අධිවේගී මාර්ගවල වැඩකටයුතු දේශීය අරමුදල් භාවිතයෙන් ආරම්භ කර ඇති බව ඔහු පෙන්වා දුන්නේය.2029 වසරේ අවසාන භාගය වන විට අධිවේගී මාර්ග පද්ධතිය දඹුල්ල දක්වා දීර්ඝ කිරීමට රජය සැලසුම් කර ඇති බවත්, මෙම සියලු සංවර්ධන කටයුතු විදේශයන්ට ණය නොවී දේශීය ශක්තියෙන් නිම කිරීමට අපේක්ෂා කරන බවත් නියෝජ්ය අමාත්ය ටී.බී. සරත් මහතා මෙහිදී වැඩිදුරටත් අවධාරණය කළේය.
