කඩුවෙල, මාලබේ සුදර්ශන මාවතේ රහසිගතව පවත්වාගෙන ගිය නීති විරෝධි අරක්කු නිෂ්පාදනාගාරය සඳහා අවශ්ය මත්පැන් ස්ටිකර් මුද්රණය කර ඇත්තේ ඉන්දියාවේ පිහිටි සමාගමකින් බව විමර්ශනවලදී අනාවරණය වී තිබේ. අත්අඩංගුවට ගත් සැකකරුවන්ගෙන් සිදු කළ ප්රශ්න කිරීම්වලදී මෙම තොරතුරු හෙළි වී ඇත.
බස්නාහිර පළාත උතුර අපරාධ කොට්ඨාසය විසින් සිදුකළ මෙම වැටලීමේදී බලපත්රලාභී මත්පැන් නිෂ්පාදනවලට සමාන අයුරින් නිෂ්පාදනය කළ බෝතල් 18,000කට අධික ප්රමාණයක් සොයා ගැනිණි. මෙම ජාවාරම සම්බන්ධයෙන් විශ්රාමික හමුදා මේජර්වරයෙකු ඇතුළු පිරිසක් දැනට අත්අඩංගුවේ පසුවන අතර, ඔවුන් හරහා මෙම මත්පැන් කඳුකර ප්රදේශවලට සහ නැගෙනහිර පළාතේ සුරාසල් 25කට බෙදාහැර ඇති බව හෙළි වී ඇත. මඩකලපුව ප්රදේශයේ සුරාසල් වෙත මෙම මත්පැන් බෙදාහැරි කෝටිපති ව්යාපාරිකයෙකු සහ ලොරි රථ රියදුරෙකු ද අත්අඩංගුවට ගෙන අධිකරණ නියෝග මත රඳවාගෙන ප්රශ්න කරනු ලැබේ.
මෙම නීති විරෝධී මත්පැන් නිෂ්පාදනය සඳහා අවශ්ය එතනෝල් සහ බි්රටෙක්ස් රසායනිකය මිශ්ර කර ලබාදුන් ප්රධාන පෙළේ මත්පැන් සමාගම්වලට අමුද්රව්ය සපයන වත්තල පදිංචි පුද්ගලයෙකු අත්අඩංගුවට ගැනීමට ද පොලිසිය කටයුතු යොදා ඇත. එලෙසම, අදාළ නිවස ඕස්ට්රේලියාවේ සිටින කාන්තාවකට අයත් වන අතර, ඇයගේ දැනුවත්භාවය මත මෙම ජාවාරම පවත්වාගෙන ගොස් ඇති බවට තොරතුරු ලැබී ඇත.
මෙම ජාවාරම පවත්වාගෙන යාම සඳහා සුරාබදු නිලධාරීන්ගේ සහාය ලැබී ඇත්ද යන්න පිළිබඳව ද පොලිසිය විශේෂ අවධානයක් යොමු කර ඇති අතර, ඊට සම්බන්ධ නිලධාරීන් සොයා වැඩිදුර පරීක්ෂණ ක්රියාත්මකයි.
