බෙංගලූරුවේදී බෙදාහැරීමේ නියෝජිතයෙකු කාන්තාවකගේ නිවසට බලහත්කාරයෙන් ඇතුළු වී ඇය ඉදිරියේ අසභ්ය ලෙස හැසිරුණු බවට වාර්තා වේ.බෙදාහැරීමේ නියෝජිතයා ඇණවුමක් ලබා දීම සඳහා කාන්තාවගේ නිවසට පැමිණ ඇති අතර, පසුව වැසිකිළිය භාවිතා කිරීමට අවසර ඉල්ලා ඇත. කාන්තාව කිහිප වරක්ම ඊට අකමැත්ත පළ කළද, ඇයගේ අවසරයකින් තොරව ඔහු බලහත්කාරයෙන් නිවසට ඇතුළු වී තිබේ. ඔහු වැසිකිළියෙන් පිටතට පැමිණි පසු ඇය ඉදිරියේ අසභ්ය ලෙස හැසිරුණු බව කාන්තාව විසින් සමාජ මාධ්ය හරහා හෙළි කර ඇත.මෙම සිදුවීම සම්බන්ධයෙන් කාන්තාව සමාජ මාධ්යයේ පළ කළ සටහන සැලකිල්ලට ගත් බෙංගලූරු පොලිසිය, ඇයගෙන් පැමිණිල්ලක් ලබාගෙන පරීක්ෂණ ආරම්භ කළේය. විජේ මල්ලිකාර්ජුන් කාමත් ලෙස හඳුනාගත් සැකකරු පොලිසිය විසින් අත්අඩංගුවට ගෙන ඇත. ඔහුට එරෙහිව භාරතීය න්යාය සංහිතා පනතේ අදාළ වගන්ති යටතේ නඩු පවරා තිබේ.
