ශ්රී ලංකා නීතිඥ සංගමයේ සභාපති රජීව විජේසිංහ මහතා සමගි ජන බලවේගයේ බස්නාහිර පළාත් මහා ඇමති අපේක්ෂකයා ලෙස තරග කිරීමට සූදානම් වන බවට පාර්ලිමේන්තු මන්ත්රී අසිත නිරෝෂණ මහතා සිදුකළ ප්රකාශය ඔහුගේ පෞද්ගලික අදහසක් මිස පක්ෂයේ නිල ස්ථාවරය නොවන බව ජාතික ජන බලවේගයේ මහලේකම්, පාර්ලිමේන්තු මන්ත්රී නිහාල් අබේසිංහ මහතා ප්රකාශ කළේය.
මහලේකම්වරයා සඳහන් කළේ, පාර්ලිමේන්තුවේදී මෙවැනි ප්රකාශ සිදුකිරීමේදී ඒවා පෞද්ගලික මට්ටමින් සිදුවන බවත්, එම ප්රකාශයේ සම්පූර්ණ වගකීම අදාළ මන්ත්රීවරයා විසින් දැරිය යුතු බවත්ය. මෙම කරුණ සම්බන්ධයෙන් පක්ෂය තුළ කිසිදු පොදු සාකච්ඡාවක් පවත්වා නිල තීරණයක් ගෙන නොමැති බවද ඔහු වැඩිදුරටත් අවධාරණය කළේය.මේ අතර, ජාතික ජන බලවේගයේ ඉදිරි දේශපාලන ගමන සැප්තැම්බර් 06 වැනිදා කළුතර දිස්ත්රික්කයෙන් ආරම්භ කරන බවත්, එහිදී සංවිධානාත්මක ලෙස ජනතාව සමඟ තවදුරටත් එක්වීමට බලාපොරොත්තු වන බවත් ඔහු පැවසීය.මෙහිදී විනිසුරුවරුන්ගේ විශ්රාම වයස දීර්ඝ කිරීම සම්බන්ධයෙන් මාධ්යවේදීන් නැගූ ප්රශ්නයකට පිළිතුරු දෙමින් නිහාල් අබේසිංහ මහතා කියා සිටියේ, ඒ පිළිබඳ කැබිනට් පත්රිකාවක් දැනටමත් ඉදිරිපත් කර ඇති බවත්, ඉදිරියේදී ඒ සම්බන්ධයෙන් වැඩිදුරටත් සාකච්ඡා කර අවශ්ය පියවර ගන්නා බවත්ය. එසේම, ශ්රී ලංකා නීතිඥ සංගමය මේ සම්බන්ධයෙන් දක්වන විරෝධය පිළිබඳවද පක්ෂයේ අවධානය යොමු වී ඇති බව ඔහු වැඩිදුරටත් සඳහන් කළේය.
