විදේශ ප්රේෂණ ලැබීමේ ධනාත්මක ප්රවණතාව මත පදනම්ව, 2026 වසර අවසන් වන විට ඇමරිකානු ඩොලර් බිලියන 9ක විදේශ සංචිත ඉලක්කය සාර්ථකව ළඟා කර ගත හැකි බවට රජය දැඩි විශ්වාසයකින් පසු වන බව මුදල් හා ක්රමසම්පාදන නියෝජ්ය අමාත්ය මහාචාර්ය අනිල් ජයන්ත ප්රනාන්දු පාර්ලිමේන්තුවේදී ප්රකාශ කර තිබෙනවා.
2026 වසරේ පළමු මාස හත තුළ ශ්රී ලංකා විදෙස්ගත ශ්රමිකයන් විසින් ඩොලර් බිලියන 5කට අධික ප්රේෂණ ප්රමාණයක් එවා ඇති බව නියෝජ්ය අමාත්යවරයා සඳහන් කළේය. 2028 අප්රේල් මාසයේදී රටට ඩොලර් බිලියන 3.9ක පමණ දැවැන්ත විදේශීය ණය ආපසු ගෙවීමට සිදුවන පසුබිමක, එම අභියෝගයට මුහුණ දීම සඳහා විදේශ විනිමය මූලාශ්ර විවිධාංගීකරණය කිරීමට සහ සෘජු විදේශ ආයෝජන (FDI) වැඩි වශයෙන් ආකර්ෂණය කර ගැනීමට රජය කටයුතු කරමින් සිටින බව ඔහු වැඩිදුරටත් පෙන්වා දුන්නේය.
පාර්ලිමේන්තු මන්ත්රී රවි කරුණානායක විසින් මතු කරන ලද ප්රශ්නයකට පිළිතුරු දෙමින් නියෝජ්ය අමාත්යවරයා මේ බව කියා සිටි අතර, ආයෝජන, අපනයන සහ ප්රේෂණ ඇතුළු විවිධ මාර්ග හරහා ශුද්ධ විදේශ විනිමය ගලා ඒම ඉහළ නංවා ගැනීමට විශේෂ අවධානයක් යොමු කර ඇත.
