ශ්රී ලංකාව මුහුණ දී සිටින තෙල් සහ ගෑස් අර්බුදයට ස්ථිර විසඳුමක් මන්නාරම දිස්ත්රික්කයෙන් ලබාගත හැකි බව කර්මාන්ත සහ ව්යවසායකත්ව සංවර්ධන අමාත්ය සුනිල් හඳුන්නෙත්ති මහතා පවසයි. ජාතික ලුණු සමාගමේ මන්නාරම ලේවායේ නව පාලන ගොඩනැගිල්ල සහ ගබඩා සංකීර්ණය විවෘත කිරීමේ උත්සවයට එක්වෙමින් අමාත්යවරයා මේ බව සඳහන් කළේය.
මන්නාරම යනු ස්වභාවධර්මයෙන් ලැබුණු මහා සම්පත් ගබඩාවක් බවත්, එහි ලුණු වලට අමතරව තවත් වටිනා ඛනිජ සම්පත් රැසක් පවතින බවත් ඔහු අවධාරණය කළේය. මන්නාරම් ද්රෝණියේ තෙල් සහ ගෑස් ගවේෂණ කටයුතු ආරම්භ කිරීමට රජය මේ වන විටත් තීරණය කර ඇති බවත්, ඒ සඳහා අවශ්ය ගිවිසුම්වලට පසුගියදා අත්සන් තැබූ බවත් අමාත්යවරයා පැවසීය. මෙම ගවේෂණ කටයුතු සාර්ථක වුවහොත් මෙරට බලශක්ති අර්බුදයට මන්නාරමෙන් සාර්ථක විසඳුම් සෙවිය හැකි බව ඔහු වැඩිදුරටත් ප්රකාශ කළේය.
