යාල ජාතික උද්යානය ඇතුළු දිවයිනේ වියළි කලාපයේ පිහිටා ඇති කුමන, විල්පත්තු, උඩවලව, බූන්දල සහ කවුඩුල්ල වැනි ප්රධාන ජාතික උද්යානවල නියං සමයේදී වනසතුන්ට අවශ්ය ජලය ලබාදීම සඳහා සූර්ය පැනල භාවිතයෙන් ක්රියාත්මක කරන ජලනල පද්ධති ව්යාපෘතිය මේ වන විටත් සාර්ථකව ක්රියාත්මක වෙමින් පවතින බව වනජීවී සංරක්ෂණ දෙපාර්තමේන්තුව පවසයි.
යාල ජාතික උද්යානයේ එම සූර්ය පැනල ජලනල පද්ධතිය අක්රිය වී ඇති බවත්, ඒ හේතුවෙන් වනසතුන්ට අවශ්ය ජලය නොලැබෙන බවටත් මාධ්ය මඟින් පළ වන පුවත් සම්පූර්ණයෙන්ම අසත්ය බව දෙපාර්තමේන්තුව අවධාරණය කරයි. යාල ජාතික උද්යානයේ ප්රධාන ජලනල පද්ධතිය මේ වන විටත් සාමාන්ය පරිදි ක්රියාත්මක වන අතර, ඒ හරහා පලටුපාන මූලස්ථානයට මෙන්ම වනසතුන්ට අවශ්ය ජලය අඛණ්ඩව ලබා දීමට කටයුතු කරනු ලැබේ. කෙසේ වෙතත්, එම ප්රධාන පද්ධතියට සමගාමීව ක්රියාත්මක වන උප ජලනල පද්ධතියක පොම්පයක හදිසි නඩත්තු කටයුත්තක් පමණක් මේ දිනවල සිදුකෙරෙමින් පවතින බව වනජීවී සංරක්ෂණ දෙපාර්තමේන්තුව වැඩිදුරටත් සඳහන් කරයි.
