බොස්ටන්හි මැසචුසෙට්ස් ජෙනරල් රෝහලේදී ජාන විකරණය කරන ලද ඌරෙකුගේ වකුගඩුවක් බද්ධ කරනු ලැබූ 66 හැවිරිදි ටිම් ඇන්ඩෲස් නැමැති ඇමෙරිකානු ජාතිකයා, එම අවයවය සහිතව දින 271 ක කාලයක් සාර්ථකව ජීවත් වෙමින් වෛද්ය ඉතිහාසයේ නව වාර්තාවක් තබා තිබේ.
පූර්වයෙන් වසර දෙකක් පුරා ඩයලෙසිස් ප්රතිකාර ලත් ඔහු, මානව වකුගඩුවක් ලැබෙන තෙක් සතෙකුගේ අවයවයක් තාවකාලික ජීවිත ආරක්ෂක පාලමක් ලෙස භාවිත කර පසුව සාර්ථකව මානව අවයවයකට මාරු වූ ලොව ප්රථම අවස්ථාව මෙය ලෙස ‘ද ලැන්සෙට්’ වෛද්ය සඟරාව වාර්තා කර ඇත. බාහිර අවයව ප්රතික්ෂේප වීම වැළැක්වීම සඳහා අතිනවීන CRISPR ජාන සංස්කරණ තාක්ෂණය භාවිත කරමින් eGenesis සමාගම විසින් ඌරාගේ ඩී.එන්.ඒ. හි ජානමය වෙනස්කම් 69ක් සිදු කර තිබූ අතර, ශල්යකර්මයෙන් පසු වකුගඩුව සාර්ථකව ක්රියාත්මක වුවද පසුව ඇති වූ ප්රතිශක්තිකරණ සංකූලතා හේතුවෙන් දින 271කට පසු එම ඌරු වකුගඩුව ඉවත් කිරීමට සිදුවිය.
කෙසේ වෙතත්, එම වකුගඩුව ඉවත් කර මාස දෙකකට පමණ පසු ගැලපෙන මානව දායකයෙකු ලැබී ඇති අතර, නව මානව වකුගඩුව බද්ධ කර මාස හතක් ගතවුවද කිසිදු සංකූලතාවයකින් තොරව එය සාර්ථකව ක්රියාත්මක වන බව වෛද්යවරු පවසති.
