ඌව සහ නැගෙනහිර පළාත්වලට මෙන්ම මන්නාරම, මුලතිව්, පොළොන්නරුව සහ හම්බන්තොට දිස්ත්රික්ක සඳහා ප්රබල අකුණු පිළිබඳ අවවාදාත්මක නිවේදනයක් කාලගුණ විද්යා දෙපාර්තමේන්තුව විසින් නිකුත් කර තිබේ.
අදාළ නිවේදනයට අනුව එම ප්රදේශවල සවස් කාලයේදී හෝ රාත්රී කාලයේදී තැනින් තැන ගිගුරුම් සහිත වැසි සමඟ ප්රබල අකුණු ඇතිවීමේ වැඩි හැකියාවක් පවතී.
ගිගුරුම් සහිත වැසි ඇතිවන අවස්ථාවලදී තාවකාලිකව තද සුළං ඇතිවිය හැකි බැවින් ජනතාව අවධානයෙන් කටයුතු කරන ලෙස දැනුම් දී තිබේ.
අකුණු පවතින අවස්ථාවලදී විවෘත ස්ථානවල රැඳී සිටීමෙන් සහ ගස් යට සිටීමෙන් වළකින ලෙසත්, හැකි සෑම අවස්ථාවකම ආරක්ෂිත ගොඩනැගිල්ලක් තුළ රැඳී සිටින ලෙසත් කාලගුණ බලධාරීන්ගේ සාමාන්ය ආරක්ෂක උපදෙස් අනුව කටයුතු කිරීම වැදගත් වේ.
