අතුරුගිරිය මිලේනියම් සිටි නිවාස සංකීර්ණයට සම්බන්ධ ඉඩමක් මෙට්‍රෝ බස් රථගාලක් සඳහා යොදාගැනීම සම්බන්ධයෙන් මතභේදාත්මක තත්ත්වයක් මතුව ඇති බව වාර්තා වේ. අදාළ ඉඩම නිවාස සංකීර්ණයට අයත් බවත් එය අවසරයකින් තොරව භාවිත කර ඇති බවත් එහි පාලනාධිකාරිය චෝදනා කර තිබේ.
කොළඹ දිස්ත්‍රික් ජාතික ජන බලවේගයේ පාර්ලිමේන්තු මන්ත්‍රී අසිත නිරෝෂණ එගොඩ විතාන මහතා සහ කඩුවෙල මහ නගර සභාවේ නගරාධිපති රංජන් ජයලාල් මහතාගේ නම්ද මෙම සිද්ධිය සම්බන්ධයෙන් සඳහන් වී තිබේ.
කෙසේ වෙතත් අදාළ ඉඩමේ නීතිමය අයිතිය, පොලිසියට සිදුකළ බව කියන පැමිණිල්ල සහ ඒ සම්බන්ධයෙන් ගෙන ඇති පොලිස් ක්‍රියාමාර්ග පිළිබඳ නිල තහවුරු කිරීමක් මෙතෙක් ලබාගත නොහැකි වී තිබේ.
