ජාතිවාදී සහ බල අරගල වෙනුවෙන් නැවතත් සමාජය බෙදීමට උත්සාහ කරන පරාජිත දේශපාලනඥයන්ගේ ක්‍රියාකලාපය ජනතා විමුක්ති පෙරමුණේ (JVP) ජාතික විධායක සභික බිමල් රත්නායක මහතාගේ දැඩි දෝෂදර්ශනයට ලක්ව තිබේ. පටු දේශපාලන වාසි උදෙසා ජාතිවාදය වපුරන පිරිස් වෙත දැඩි ප්‍රහාරයක් එල්ල කරමින් ඔහු සඳහන් කරන්නේ, ඕනෑම අර්බුදයකදී හෝ විපතකදී අහිමි වන්නේ මේ රටේම එකම ලේ ඇති මනුෂ්‍ය ජීවිත බවයි. ජාතිවාදී අවසාන පිදුරු ගහේ පවා එල්ලෙමින් බලය රැකගැනීමට හෝ ලබාගැනීමට දඟලන දේශපාලනඥයන්ගේ පච සහ ප්‍රබන්ධ ඉදිරියේ නැවත ර රැවටෙන්නේ නැති ලෙස ඔහු ජනතාවගෙන් ඉල්ලා සිටියි.
රටේ අනාගතය වෙනුවෙන් සියලු ජාතීන් සහ ආගමිකයන් එකමුතුව නැගී සිටිය යුතු කාලය එළඹ ඇති බව පෙන්වා දෙන ඒ මහතා, ජාතිවාදී උගුල්වලට හසු නොවී රට ඉදිරියට ගෙන යාමට පෙළගැසීමේ වැදගත්කම අවධාරණය කරයි. ඉතිහාසයේ විවිධ අවස්ථාවලදී ජාතිවාදය මෙවලමක් කරගත් දේශපාලනයට තවදුරටත් මෙම පරම්පරාව රැවටීමට ඉඩ නොදෙන බවත්, සියලුම ශ්‍රී ලාංකිකයන් එකම ලෙයින් පෝෂණය වූ එක් මව්බිමක දරුවන් ලෙස අනාගතය ගොඩනැඟිය යුතු බවත් ඔහු වැඩිදුරටත් පෙන්වා දෙයි.
