හිටපු ජනාධිපතිනිය චන්ද්‍රිකා බණ්ඩාරනායක කුමාරතුංග මහත්මිය විසින් ජනාධිපති මෛත්‍රිපාල සිරිසේන මහතා වෙත දිර්ඝ ලිපියක් යොමු කර තිබේ. එම ලිපියෙහි ශ්‍රී ලංකා නිදහස් පක්ෂයේ සභාපතිවරයා වශයෙන් මෛත්‍රිපාල සිරිසේන මහතා විසින් ගත යුතු ක්‍රියාමාර්ග නොගැනීම සහ පක්ෂය බේරා ගැනීමට කටයුතු නොකිරීම පිළිබඳ සඳහන් කර ඇත.
කුමාරතුංග මහත්මිය සඳහන් කර ඇත්තේ ශ්‍රී ලංකා නිදහස් පක්ෂය පොදු ජන පෙරමුණ සමඟ සන්ධාන ගත වීම සම්බන්ධයෙන් පක්ෂයේ විධායක සභාව රැස්ව තීරණය නොකළ කරුණක් බවයි.
එසේම මහින්ද රාජපක්ෂ මහතා විසින් සිදු කරන්නේ ශ්‍රී ලංකා නිදහස් පක්ෂය විනාශ කර දමා තම අභිප්‍රායන් ඉෂ්ඨ කිරීමක් බව එම ලිපියෙහි පැහැදිලිව සඳහන් කර තිබේ. එසේම මේ අවස්ථාවේදී ශ්‍රී ලංකා නිදහස් පක්ෂය සුරැකීමට නම් ආණ්ඩු පක්ෂය සමඟ අත්වැල් බැදගත යුතු හෙයින් තමා එම තීරණය ගත් බව හිටපු ජනාධිපතිනිය චන්ද්‍රිකා බණ්ඩාරනායක කුමාරතුංග මහත්මිය විසින් එම ලිපියෙහි වැඩිදුරටත් සඳහන් කොට ඇත.
හිටපු ජනාධිපතිනිය චන්ද්‍රිකා බණ්ඩාරනායක කුමාරතුංග මහත්මිය විසින් ජනාධිපති මෛත්‍රිපාල සිරිසේන මහතා වෙත යොමු කළ සම්පුර්ණ ලිපිය පහත පරිදි වේ.
