නිතී විරෝධී ආකාරයෙන් ද්විත්ව පුරවැසිභාවය දැරීම සම්බන්ධයෙන් හිටපු රාජ්‍ය අමාත්‍ය ඩයනා ගමගේ මහත්මියට එරෙහි නඩුව පවරා පවත්වාගෙන යෑමට නොහැකි බවට ඩයනා ගමගේ මහත්මියගේ නීතීඥවරු ඉදිරිපත් කළ මුලික විරෝධතා ඉවත දැමු කොළඹ මහාධිකරණ විනිසුරු මංජුල තිලකරත්න මහතා නඩු විභාගය ඊයේ (09) ආරම්භ කළේය.
සියලු චෝදනාවන්ට තමන් නිවැරදිකාරිය බව ඩයනා ගමගේ මහත්මිය විවෘත අධිකරණයේදී කියා සිටීමෙන් අනතුරුව නඩු විභාගය ආරම්භ කිරීමට සුදානම් වු අවස්ථාවේදී ඩයනා ගමගේ මහත්මියගේ නීතීඥවරු ඉදිරිපත් කළ මුලික විරෝධතාවය සැළකිල්ලට ගැනීමෙන් අනතුරුව එය ඉවත දැමු විනිසුරුවරයා නඩුව වාභාග කිරම ආරම්භ කළේය.
2004 ඔක්තෝම්බර් 09 වැනිදාත් 2004 දෙසැම්බර් පළමුවැනිදාත් කාලය තුළ ශ්‍රීලාංකීය පුරවැසියකු නොවන බව දැන දැනම හා සිය නාමය ඩයනා ගමගේ ලෙස නීත්‍යානූකූලව සශෝධන කර නොතිබියදී ඩයනා ගමගේ ලෙස ජාතික හැඳුන්ම්පතක් ලබා ගැනීමට කූඨ ලේඛන ඉදිරිපත් කර පුද්ගලයින් ලියාපදිංචි කිරීමේ දෙපාර්තමේන්තුවේ අධ්‍යක්ෂක ජනරාල්වරයා ඇතුළු නිළධාරීන් රැවටීම සහ අංක 4685 දරණ උප්පැන්න සහතිකය කූඨ ලෙස සෑදීමට අනුබල දීම ඇතු`ථ චෝදනා යටතේ නීතීපතිවරයා විත්තිකාරියට එරෙහිව චෝදනා නඟා ඇත.
මෙම නඩුවේ පූර්ව නඩු විභාග සම්මන්ත්‍රණය පසුගියය අවස්ථාවේ අවසන් කිරීමෙන් පසු නඩුව විභාග කිරීම සඳහා ඊයේ (09) නඩුව කැඳවනු ලැබු අවස්ථාවේදී විත්තිකාරිය අධිකරණයේ පෙනී සිටියාය.
ඒ අවස්ථාවේදී විත්තිකාරියට එරෙහි චෝදනා කියවා දීමෙන් අනතුරුව එම සිය`ථ චෝදනාවන්ට තමන් නිවැරදිකාරිය බව ඇය විවෘත අධිකරණයේදී කියා සිටියාය.
අධිකරණයේ පෙනී සිටීමට නියම කරමින් නිකුත් කළ සිතාසි වලට අනුව පැමිණිල්ලේ සාක්කකරුවන් අධිකරණයේ පෙනී සිටි අතර ඔවුන්ගේ සාක්කි කැඳවීමට සුදානම් වු අවස්ථාවේදී විත්තිකාරිය වෙනුවෙන් පෙනී සිටි ජනාධිපති නීතීඥ ශානක රණසිංහ මහතා මුලික විරෝධතාවයක් ඉදිරිපත් කරන බව දැනුම් දුන්නේය.
තම සේවාදායිකාවට එරෙහි චෝදනාවට පදනම් වී ඇත්තේ 2003 දෙසැම්බර් 11 වැනිදාතමින් යුතුව ඉදිරිපත් කර ඇති අංක 4685 දරණ උප්පැන්න ලේඛණයට යොදා ඇති සටහන බව පෙන්වා දුන් ජනාධිපති නීතීඥ ශානක රණසිංහ මහතා අදාළ ලේඛණයේ සඳහන් දිනය සමඟ සසදා බැලීමේදී එය වසර 20ක කාලයක් ඉකුත්ව ඇතැයි පෙන්වා දුන්නේය.
වසර 20ක් ඉකුත්ව ඇති ලේඛණයක් පදනම් කර ගනිමින් තම සේවාදායිකාවට එරෙහිව පවරා ඇති මෙම චෝදනා පවරා පවත්ගෙන යෑමට හැකියාවක් නැතැයි කී ජනාධිපති නීතීඥ ශානක රණසිංහ මහතා තම සේවාදායිකාවට එරෙහි චෝදනා ඉවත දමන්නැයි ඉල්ලා සිටියේය.
ඒ අවස්ථාවේදී අධිකරණය ඇමතූ විනිසුරුවරයා චෝදනා සම්බන්ධයෙන් නිගමනය කළ යුත්තේ සාක්කි විමසීමෙන් අනතුරුව යැයි පැවසීය.
පැමිණිල්ලේ සාක්කි විමසීමෙන් අනතුරුව විත්තිකාරියට එරෙහි චෝදනා සනාථ නොවන්නේ නම් ඇය චෝදනා වලින් නිදහස් කිරීමට අධිකරණය පැකිලෙන්නේ නැති බව අවධාරණය කරමින් විත්තියේ මුලික විරෝධතාවය ඉවත දැමු විනිසුරුවරයා නඩු විභාගය ආරම්භ කිරීමට තීරණය කළේය.
ඒ අනුව පැමිණිල්ල වෙනුවෙන් පෙනී සිටි රජයේ නිතිඥ අකිලා දල්පතාදු මහත්මියගේ මෙහෙයවීම යටතේ දෙහිවල ප්‍රාදේශීය ලේකම් කාර්යාලයේ සේවය කළ විශ්‍රාමිකයකු වන දොන් සුමතිපාල මහතාගේ සාක්ෂි විමසීම ආරම්භ කළේය.
සුමතිපාල මහතාගේ සාක්ෂි විමසීමෙන් අනතුරුව වැඩිදුර සාක්ෂි විභාගය මාර්තු 05 වැනිදා තෙක් කල් තැබු විනිසුරුවරයා එදින අධිකරණයේ පෙනී සිටින ලෙස විත්තිකාරියට නියම කළේය.
පැමිණිල්ල වෙනුවෙන් රජයේ නිතිඥ අකිලා දල්පතාදු මහත්මිය පෙනී සිටි අතර විත්තිකාරිය වෙනුවෙන් ජනාධිපති නීතීඥ ශානක රණසිංහ මහතා පෙනී සිටියේය.
[ada]
