ලොව සන්නිවේදන තාක්ෂණයේ දැවැන්තයෙකු වන චීනය, 6G තාක්ෂණික අත්හදාබැලීම්වල දෙවන අදියර නිල වශයෙන් ආරම්භ කර තිබේ.
පළමු අදියරේ පරීක්ෂණ සාර්ථකව නිම කිරීමෙන් අනතුරුව මෙම පියවර ගෙන ඇති අතර, මේ වන විට 6G තාක්ෂණයට අදාළ ප්රධාන තාක්ෂණික ක්රමවේද 300කට අධික සංඛ්යාවක සංචිතයක් අත්කර ගැනීමට චීනය සමත්ව ඇති බව එරට කර්මාන්ත හා තොරතුරු තාක්ෂණ අමාත්යාංශය ප්රකාශ කළේය.
චීනය දැනටමත් ලොව විශාලතම තොරතුරු තාක්ෂණ යටිතල පහසුකම් පද්ධතියට හිමිකම් කියන අතර, එරට ස්ථාපිත කර ඇති 5G පාදක මධ්යස්ථාන සංඛ්යාව මිලියන 4.8ක් ඉක්මවා ගොස් තිබේ. එමෙන්ම 5G තාක්ෂණය භාවිතා කරන්නන්ගේ සංඛ්යාව බිලියන 1.2කට වඩා වැඩි වී ඇති බව ද අමාත්යාංශ ප්රකාශක Xie Cun මහතා මාධ්ය හමුවකදී අනාවරණය කළේය.
මෙම ශක්තිමත් 5G පදනම උපයෝගී කරගනිමින් 6G තාක්ෂණයේ පෙරගමන්කරුවෙකු වීම චීනයේ අරමුණ වී ඇත.
