යාපනය දිස්ත්රික් පාර්ලිමේන්තු මන්ත්රී රාමනාදන් අර්චුනා මහතා සහ කොළඹ දිස්ත්රික් ලේකම් කාර්යාලයේ ආරක්ෂක නිලධාරියෙකු අතර ඇති වූ මතභේදාත්මක සිද්ධියක් රුපියල් 1000ක මුදලක් ගෙවා සමථයකට පත් කරගත් බව නාරහේන්පිට පොලිසිය පවසයි. ඉකුත් 02 වැනිදා මන්ත්රීවරයා සිය රථයෙන් දිස්ත්රික් ලේකම් කාර්යාලයට ඇතුළු වීමට උත්සාහ කළ අවස්ථාවේදී, ආරක්ෂක නිලධාරීන් ඔහුව හඳුනා නොගෙන ඇතුළු වීමට අවසර නොදීම නිසා මෙම ගැටුම හටගෙන තිබේ. එහිදී මන්ත්රීවරයා බලහත්කාරයෙන් රථය ඇතුළු කර ආරක්ෂක නිලධාරියෙකු සමඟ බහින්බස් වී ඔහුගේ ජංගම දුරකථනයට පහර දී හානි කර ඇති බව වාර්තා වේ. දෙපාර්ශ්වයම 119 හදිසි ඇමතුම් අංශයට පැමිණිලි කර තිබූ අතර, පසුව දිස්ත්රික් ලේකම් කාර්යාලයේ ජ්යෙෂ්ඨ සහකාර ලේකම්වරයා ඇතුළු නිලධාරීන් ඉදිරියේ සිදුකළ සාකච්ඡාවකින් පසු දුරකථනයේ හානිය වෙනුවෙන් මන්ත්රීවරයා අදාළ මුදල ගෙවා සිද්ධිය සමථයකට පත් කරගෙන ඇත.
