නුගේගොඩ මහේස්ත්රාත් අධිකරණයේ නඩු කටයුත්තකට සහභාගී වී ආපසු යමින් සිටි නීතිඥවරුන් දෙදෙනෙකුට මරණ තර්ජනය කර ඔවුන්ගේ වාහනයට හානි කිරීමේ සිද්ධියට සම්බන්ධ සැකකාරියන් දෙදෙනෙකු මිරිහාන පොලිසිය විසින් අත්අඩංගුවට ගෙන තිබේ. ඉකුත් ජනවාරි 30 වැනිදා අධිකරණ භූමියෙන් පිටතදී පුද්ගල කණ්ඩායමක් විසින් නීතිඥවරුන්ගේ වාහනය වට කර, මරණ තර්ජනය කරමින් පහර දී ඇති බවට ලැබුණු පැමිණිල්ලකට අනුව මෙම විමර්ශන ක්රියාත්මක විය. අත්අඩංගුවට ගත් සැකකාරියන් 31 සහ 55 යන වයස්වල පසුවන පුහුල්වැල්ල ප්රදේශයේ පදිංචිකාරියන් වන අතර ඔවුන් නීති විරෝධී ජනරාශියක සාමාජිකයන් ලෙස කටයුතු කරමින් සාපරාධී බිය ගැන්වීම් සහ මග අවහිර කිරීමේ චෝදනා යටතේ අද (03) නුගේගොඩ මහේස්ත්රාත් අධිකරණයට ඉදිරිපත් කිරීමට නියමිතය. මෙම සිද්ධිය සම්බන්ධයෙන් මීට පෙර ද එක් සැකකරුවෙකු අත්අඩංගුවට ගෙන තිබූ අතර පොලිස් කණ්ඩායම් තුනක් වැඩිදුර විමර්ශන පවත්වයි.
