විශ්රාම ගැන්වීමේදී සහන පදනම මත වාහන බලපත්ර හිමි වූ ඉහළ පෙළේ රාජ්ය නිලධාරීන් සඳහා වාහන ආනයනය කිරීමට අවසර ලබා දීම සම්බන්ධයෙන් රජයේ අවධානය යොමු වී ඇති බව ආර්ථික සංවර්ධන නියෝජ්ය අමාත්ය නිශාන්ත ජයවීර මහතා අද (03) පාර්ලිමේන්තුවේදී ප්රකාශ කළේය. මෙම බලපත්ර ක්රමය යටතේ මෙතෙක් බලපත්ර 1,900ක් නිකුත් කර ඇති අතර, 2025 වසරේදී පමණක් බලපත්ර 563ක් නිකුත් කර ඇති බව හෙතෙම සඳහන් කළේය.
පාර්ලිමේන්තු මන්ත්රී දයාසිරි ජයසේකර මහතා මතු කළ ප්රශ්නයකට පිළිතුරු දෙමින් නියෝජ්ය අමාත්යවරයා අවධාරණය කළේ මෙම බලපත්රලාභීන්ට වාහන ආනයනය කිරීමට ඉඩ දීම පිළිබඳව මේ වන විට සාකච්ඡා මට්ටමින් පවතින බවයි. විශේෂ ප්රමුඛතා ලේඛනයක් යටතේ හෝ මෙම පිරිසට වාහන ආනයනයට අවස්ථාව ලබා දිය යුතු බවට ද මෙහිදී යෝජනා විය.
