ශ්රී ලංකාවේ ඛනිජ සම්පත් ක්ෂේත්රය කේන්ද්ර කරගනිමින් ඉදිරිපත්ව ඇති ඇමෙරිකානු ඩොලර් බිලියන 1 ක දැවැන්ත විදේශ ආයෝජන අයදුම්පත් සඳහා අනුමැතිය ලබාදීමේ ක්රියාවලිය කඩිනම් කිරීමට ශ්රී ලංකා ආයෝජන මණ්ඩලය (BOI) තීරණය කර තිබේ. මෙම තීරණය ගෙන ඇත්තේ මෑතකදී කැබිනට් මණ්ඩලය විසින් අනුමත කරන ලද ජාතික ඛනිජ ප්රතිපත්තියට අනුකූලව හඳුන්වා දුන් නව රෙගුලාසි මාලාව පදනම් කරගනිමින් බව ආයෝජන මණ්ඩලය සඳහන් කරයි. විශේෂයෙන්ම ඉන්දියාව, ඕස්ට්රේලියාව සහ එක්සත් රාජධානිය වැනි රටවල ප්රධාන පෙළේ සමාගම් නියෝජනය කරන විදේශීය ආයෝජකයින් 14 දෙනෙකු විසින් මෙම ව්යාපෘති සඳහා සිය ඉල්ලීම් ඉදිරිපත් කර ඇති අතර, එම ආයෝජනවලින් බහුතරයක් ඛනිජ වැලි කර්මාන්තය ආශ්රිත ව්යාපෘති සැලසුම් සඳහා වෙන්වී තිබීම විශේෂත්වයකි. මෙම නව ප්රතිපත්තිමය වෙනස්කම් හරහා අදාළ ආයෝජන අනුමත කිරීමේ ක්රියාවලිය වඩාත් විධිමත් සහ කාර්යක්ෂම ලෙස සිදුකිරීමට ආයෝජන මණ්ඩලය බලාපොරොත්තු වේ.
