අම්බුලුවාව ප්රදේශය කේන්ද්ර කරගනිමින් කාලයක් තිස්සේ සිදුවන බව කියන අනීතික ක්රියාවන් සහ මූල්ය අක්රමිකතා සම්බන්ධයෙන් රජය දැඩි ස්ථාවරයක සිටින බව අමාත්යවරයා අවධාරණය කළා. ගම්පොළ ප්රාදේශීය ලේකම් කාර්යාලයේ පැවති උත්සවයකින් අනතුරුව මාධ්ය වෙත අදහස් දක්වමින් ඔහු කියා සිටියේ, මෙම අකටයුතුකම් සඳහා සෘජුව හෝ වක්රව සම්බන්ධ වූ සියලුම දේශපාලනඥයන්ට මෙන්ම රාජ්ය නිලධාරීන්ට ද කිසිදු භේදයකින් තොරව නීතිය ක්රියාත්මක කරන බවයි. විශේෂයෙන්ම අධිකරණ අමාත්යාංශය, බුද්ධශාසන අමාත්යාංශය සහ අනෙකුත් අදාළ ආයතන මේ වන විටත් අවශ්ය නීතිමය පියවර ගනිමින් සිටින අතර, යුක්තිය පසිඳලීමේදී එය ඉතා විධිමත් හා යුක්තිගරුක ආකාරයෙන් සිදුකිරීම රජයේ ප්රමුඛතම අරමුණ බව ඔහු පෙන්වා දුන්නා.
මීට පෙර යුගයක පාලකයින්ගේ දේශපාලන බලපෑම් මත නීතිය ක්රියාත්මක නොවූ බවත්, විශේෂයෙන්ම මහනුවර, ගම්පොළ සහ නාවලපිටිය වැනි ප්රදේශවල ජනතාව දේශපාලන බලවතුන්ට තිබූ බිය නිසා මෙවැනි අකටයුතුකම් හමුවේ නිහඬව සිටි බවත් අමාත්යවරයා මෙහිදී සිහිපත් කළා. නමුත් වර්තමානයේ එවැනි බියක් නොමැති බැවින් ජනතාව ඉදිරිපත් කරන සියලුම පැමිණිලි අල්ලස් හෝ දූෂණ විමර්ශන කොමිෂන් සභාව (CIABOC) සහ අපරාධ පරීක්ෂණ දෙපාර්තමේන්තුව (CID) හරහා ඉතා කඩිනමින් විමර්ශනය කර වැරදිකරුවන්ට දඬුවම් ලබා දෙන බව ඔහු වැඩිදුරටත් සඳහන් කළා. විශේෂයෙන්ම කේබල් කාර් ව්යාපෘතියට අදාළ පාරිසරික අනුමැතිය සහ ඉඩම් අයිතිය පිළිබඳ පවතින ගැටලු ද මෙහිදී දැඩි අවධානයට ලක්ව තිබෙනවා.
