හකුරුතලේ, කොහොඹගාන ප්රදේශයෙන් අඹතැන්න ගම්මානයට පිවිසෙන ප්රධාන මාර්ගය ඊයේ ඇද හැළුණු වර්ෂාවත් සමඟ යළිත් වරක් සම්පූර්ණයෙන්ම අබලන් වී තිබේ. මීට පෙර ඇති වූ සුළි කුණාටුව හේතුවෙන් උඩවත්ත ප්රදේශයේ සිදු වූ නායයෑමත් සමඟ මෙම මාර්ගය ගිලා බැසීමට ලක් වූ අතර, එය තාවකාලිකව පිළිසකර කිරීමට ආණ්ඩුව විසින් යෙදූ වැලි කොට්ට 400කට අධික ප්රමාණයක් වර්ෂා ජලයට සේදී යාම නිසා මාර්ගය යළිත් අවහිර වී ඇත.
මෙම පැලැස්තර පිළිසකර කිරීම් අසාර්ථක වීම හේතුවෙන් මාර්ගය මේ වන විට පෙර තිබූ අන්තරායකර තත්ත්වයටම පත්ව ඇති අතර, ප්රදේශයේ පාසල් දරුවන් ඇතුළු ජනතාව ගමනාගමන කටයුතු කරගත නොහැකිව දැඩි දුෂ්කරතාවයකට පත්ව සිටිති. තත්ත්වය තවදුරටත් බරපතළ වීමට පෙර වැලි කොට්ට වෙනුවට විධිමත් ස්ථිර පිළිසකර කිරීමක් සිදු කර දෙන ලෙස ප්රදේශවාසීන් බලධාරීන්ගෙන් දැඩි ලෙස ඉල්ලා සිටියි.
